حب ما يتوصفش, شاعر غنائي جديد ارجو التثبيت

في البداية احب اعرف الأعضاء بنفسي
اسمي احمد حسنين 18 سنة ونص تقريبا
طالب بكلية الطب البيطري جامعة اسكندرية

الحقيقة انا بكتب أغاني وعايزكم تقولولي رأيكم فيها
وان عجبكم اللي بقدمه اوعدكم اقدم المزيد

اول موضوع ليا هيكون اغنية بعنوان "حب ما يتوصفش"

قلبي كان مخلوق عشانه عاش معاه وف زمانه احلي ايامي وسنيني
قلبي كان ملك ايديه عمري عشانه ضحيت بيه اديته حبي وحنيني

لكن جرح قلبي وسابني مع احزانه
ضاعت سنين العمر معاه وعلشانه
عمري ماهندم علي يوم عشته ف زمانه

علشان انــــــــــــــــــــا
حبيته حب ما يتوصفش ضحيت عشانه بكل حاجة
لكن ده جرحه ماتحملش قلبي يقاومه بأي حاجة

طول عمري عايش بحلم اني ابقي معاه ويكون مني ونعيش سوا اجمل حياة
حلمت انه يكون معايا يعيش مع قلبي وف هوايا هي دي كل المنا

صحيح منايا اتحققت ولقيته يوم بين ايديا
بس جرحني وخدعني جرحه كان صعب عليا
بتمناله يعيش سعيد رغم اللي عمله فيا

علشان انــــــــــــــــــــا
حبيته حب ما يتوصفش ضحيت عشانه بكل حاجة
لكن ده جرحه ماتحملش قلبي يقاومه بأي حاجة

Written By : Dr Ahmed Hassanien